Misión, visión y valores

Printzipioak, balioak eta nortasun ezaugarriak

Euskalduna

Eskola publiko eta euskalduna da gurea, eta herrian edo auzoan dagoen bakarra.

Txikia

Nafarroako Landa Eremuko Eskolen sareko kide da.

Guztiona

Irakasle, ikasle, udala eta gurasoen eguneroko esku-hartzearekin osatzen eta egiten dugu eskola. Lau erakunde horietako kideok elkarlanean jardun behar dugu Aresoko haurrek heziketarik osatuena eta egokiena beregana dezaten. Eta guztion jomuga haurraren heziketa izanik, saiatu behar dugu bide berriak urratzen eskola hobetzeko. Horrez gain, gure eskolak, txikia izanik, herri sentimendua, herri giroa eta herriko lagun taldea sortu eta mantentzeko lehen urratsak errazago egiten laguntzen du, herriari bizia emanez. Irakasle eta gurasoen arteko hartu emana estutzea ezinbestekoa da Landa Eremuko Eskolek aurrean ditugun erronkei aurre egiteko. Udalaren eskuhartzea ere oso garrantzitsua da herri txiki hauen eguneroko bizitzarako. Gurasoen parte-hartzea Aresoko Guraso Elkartearen bidez gauzatzen da. Elkartea 1993. urtean sortu zen. 

Anitza

Ikasleen ezaugarrietan oinarritzen den ikastxea gara. Gure eskolako aniztasuna aberastasun iturri hartzen dugu.

Hezkidetzailea

Hezkidetza naturaltasunez bizi dugu, sexuagatiko bereizkeria sahiesten ahalegintzen gara, eta nor beraren eta gainerakoen sexualitatea onartzen dugu. Hizkuntza ez sexista erabiltzen duen hezkuntza lehenesten dugu. 

Umeen zoriontasuna eta garapen osoa, integrala oinarri

Hori horrela, beharrezkoa izanen da gure eskolara datozen ikasle guzti guztiek euren garapen afektibo, sozial, intelektual eta fisikoak ahalik eta gehien garatzeko moduko bideak aurkitzea. Gaitasun hauen garapena ikasleen zoriontasunerako bidetzat ikusten dugu. Garrantzitsua da norbanako bakoitzak arrakasta izatea, bizitzako alor guztietan dituen indarguneak areagotuz eta dituen ahulguneak gutxituz edo onartuz.

Eleanitza

Hainbat hizkuntza baliabide eskaintzen ditugu, gero eta dinamikoagoa den gizartean bizi ahal izateko.

Helburuak eta lehentasunak

Irakasleen arteko kooperazioa eta interakzioa, eta nola ez, ikasleen artekoa aberastu dadin, geletako ateak zabaltzea eta ikastalde ezberdinen arteko interakzio eta kooperaziorako beharrak sortzea; ikasturtean zehar egiten diren lan dinamikak edota proiektuak konpartituz.

Ikasle guztiak irakasle guztionak izateko moduko estrategiak, antolaketa eta ekintzak pentsatuz, gauzatuz eta lortu diren emaitzak aztertuz.

Espazio fisikoa norberarena egiteko aukera eskainiz, denok gustura egon ahal izan gaitezen eta eskola toki atsegin moduan senti dezagun.

Bakoitzaren ezagutzetatik abiatuz, sormena eta esperimentazioa medio, ikasle eta irakasle guztiek euren gaitasunak ahalik eta gehien garatuz eta aprobetxatuz.