Liburutegi ibiltaria eskolan - Nazabal - Ikasnova
Liburutegi ibiltaria eskolan - Nazabal
Liburutegi ibiltaria eskolan
19/01/2021
Nazabal eskolako ikasleak irakurketa-idazketara gerturatu nahi ditugu. Bide horretan, irakurketa sustatzeko premiari eta nahiari erantzuteko irakurketa plana abiaraziko dugu hil honetan bertan Leitzako liburutegiarekin elkarlanean, hainbat ekintza abiatuz:
- Liburutegi ibiltaria: bi astean behin liburutegi ibiltaria izango dugu eskolan bertan, asteazkenetan.
- Irakurketa-panela: irakurketarekin zerikusia duten berriak bilduko ditu bertan.
- Gustuko liburuen rankinga: ikasleek berek baloratutako liburuen araberako liburu gomendagarrien zerrenda osatuko dugu.
Liburutegi ibiltariaren baitan liburuak etxera eramateko aukera izango du ikasle bakoitzak, ikaslearen eta bere gurasoen ardurapean, edozein liburutegitan gertatzen den bezala. Liburutegi ibiltarian hartutako liburuak hurrengo saioan itzuli beharko dira eskolan bertan, edo aurretik Leitzako liburutegira eramanda.