Hezkuntza-eskaintza - Nazabal - Ikasnova

Haur Hezkuntzatik Lehen Hezkuntzako 6. maila arteko hezkuntza-eskaintza dugu gure eskola txikian. Momentu honetan, eskolaren errealitatera egokitzen den metodologia aktiboetan janzten ari gara eskola, haur bakoitzaren premiak erdigunean jarriz, eraldaketa bete betean.

Haur Hezkuntzako ikasleek elkarrekin egiten dute eskolako ibilbidea, norberak bere garapen integrala modu goxo eta errespetuzkoan landuz, irakasleak bidelagun dituztelarik.

Gaur egun indarrean dagoen abenduaren 29ko 3/2020 LOMLOE legean oinarrituta, proiektu edo ikas-egoeratan oinarritzen da ikasleen garapena, bai oinarrizko balioak lortzeko eta baita etorkizunerako konpetentziatan trebatzeko.

Horrez gain, azken urteotan eskolaren bizkarrezurra izan nahi duen metodologia aldaketa lantzen buru belarri ari da eskola: Zirkulazio Anitza izenburupean bildu dugun lan egiteko modua fintzen eta egonkortzen ari gara, baita Haur Hezkuntzan ere. Horrekin guztiarekin, haur bakoitzaren ikaskuntzaren ezaugarriak lirateke:

* Haurraren behar eta premiak erdigunean jartzen ditu

* Haurraren indarguneak hartzen ditu oinarrian, horietatik abiatuta garatzeko ahulguneak

* Haurraren interesetik abiatzen da

* Haurraren garapen erritmoa errespetatzen du

* Haurraren autonomia sustatzen du

* Haurraren gertuko testuingurutik abiatzen da, konkretu eta zehatzetik

Lehen Hezkuntzako ikasleak bi taldetan banatuta egiten dute eskolako ibilbidea, norberak bere garapen integrala modu goxo eta errespetuzkoan landuz, irakasleak bidelagun dituztelarik: LH 123 taldea elkarrekin; eta LH 456 taldea bestalde.

Gaur egun indarrean dagoen abenduaren 29ko 3/2020 LOMLOE legean oinarrituta, proiektu edo ikas-egoeratan oinarritzen da ikasleen garapena, bai oinarrizko balioak lortzeko eta baita etorkizunerako konpetentziatan trebatzeko.

Horrez gain, azken urteotan eskolaren bizkarrezurra izan nahi duen metodologia aldaketa lantzen buru belarri ari da eskola: Zirkulazio Anitza izenburupean bildu dugun lan egiteko modua fintzen eta egonkortzen ari gara, baita Haur Hezkuntzan ere. Horrekin guztiarekin, haur bakoitzaren ikaskuntzaren ezaugarriak lirateke:

* Haurraren behar eta premiak erdigunean jartzen ditu

* Haurraren indarguneak hartzen ditu oinarrian, horietatik abiatuta garatzeko ahulguneak

* Haurraren interesetik abiatzen da

* Haurraren garapen erritmoa errespetatzen du

* Haurraren autonomia sustatzen du

* Autoikaskuntza sustatzen du haurrarengan

* Haurraren gertuko testuingurutik abiatzen da, konkretu eta zehatzetik

* Haurraren mugimendu premia aintzat hartzen du

* Ikaskuntzaren izaera ludikoa azpimarratzen du

* Material manipulagarriak mahai gainean jartzen ditu